粉將軍

Day 5 (16.2.2008) --- 電波少年歷險記

終於嚟到旅程最後一日, 高雄不但無落雨, 仲幾曬添! 我哋當然要把握時間四圍玩, 臨走之前我哋都有留言同影吓外出嘅風景。

由於有我呢個敗家精喺度, NT$40000好快已經洗得七七八八, 正所謂: “財散人安樂, 風吹樹葉落”(無里頭金句), 身上銀兩唔算多, 不過我哋計過慳慳地應該夠使, 所以我們正式展開我哋電波少年式嘅旅程。

綿羊海的鍾小姐知道我們坐夜機走, 就說下位房客下午6時才到, 特別容許我們4時才check-out, 她的體貼讓我們很窩心啊! 這樣一來, 我們不用提著行李到處走, 還可以安排時間返民宿完涼才上機!

呢日早餐為咗慳錢, 我哋就喺85大樓附近嘅7-11解決, 我同Mabel一人一隻熱狗, Kan就食杯麵, 其實味道都OK!

食完早餐, 我哋又去坐捷運去西子灣車站, 去到西子灣車站唔知點解好多公公婆婆, 免費嘅吸引力真係咁大?今次我哋無再坐小黃, 去咗同成班公公婆婆逼接駁小巴, 有幾逼?咪連想喺原定落車嘅車站落車都落唔到, 結果要去到打狗領事館先有得落, 一場嚟到當然要上去彌補之前一日入唔到去嘅遺憾!今次成功喇, 而且有陽光影出嚟啲相都靚啲!

  Teddy: 天氣好好啊!

英國在1866年於高雄(前稱打狗)港口哨船頭小丘上設立領事館, 處理關稅和商務。領事館以英國傳統方式興建, 紅磚是從廈門運來的。二次大戰期間領事館局部被炸, 1977年更遭颱風襲擊至斷垣殘牆壁。1986年經專家審定, 興工復修, 列為二級古蹟。我哋影完相都唔敢留太耐, 因為我哋仲要去一個好重要嘅景點 --- 旗津。