湖南之旅(Day 4) 嚟到第四日, 旅程接近尾聲, 呢日仍然係好早嘅morning call, 不過呢間酒店啲早餐好得, 唔係日日見到嘅粥同炒粉, 係中西式自助早餐, 真係好豐富, 連生果都有巨峰提子, 真係見到都含淚...... 臨走影吓酒店啲環境啦~ 我哋食完早餐又趕去武陵源風景區趕坐車, 你見我用左兩次"趕"字, 係因為我哋真係趕去坐接駁車去十里畫廊, 去到車站真係人山人海, 因為去唔同地方都係喺呢個車站上車, 一句講晒: 得個亂字! 好彩去十里畫廊唔算最多人, 我哋去到十里畫廊就轉坐佢嘅觀光小火車, 火車上有廣播沿途介紹景點~ 坐完火車就行番出嚟, 大概半個鐘路程可以慢慢欣賞沿途嘅景色...... 十里畫廊係睇啲奇形怪狀嘅山, 似唔似就見仁見智, 以下幾個係我最有印象嘅, 因為比較似嘛~ 去完十里畫廊, 我哋又趕去金鞭溪風景區, 其實有啲似香港啲家樂徑, 都係吸吓新鮮空氣咁啦....... 跟住我哋就坐纜車上黃獅寨, 又係排隊排咗好鬼耐...... 據說"不到黃獅寨, 枉到張家界", 不過真係太多遊人又太走馬看花, 真係差啲都唔知自己去過咩景點...... 就係咁去完黃獅寨, 已經差不多兩點, 食完午飯又要坐六個鐘頭車去番長沙! 返到酒店已經九點, 梳洗完執埋啲行李就瞓, 間酒店係點都唔緊要囉~ (其實間酒店無之前嗰日咁靚, 不過ok嘅!) 湖南之旅(Day 5) 呢日其實無野好講, 因為五點morning call, 上到旅遊巴就食酒店同我哋準備嘅早餐便當就直接到機場, 11點就返到香港了, 五天行程正式結束!
|
全站熱搜
留言列表