粉將軍

第九集其實包含咗呢個漫畫裡都幾重要嘅部分，就係湖邊約會同醫院呢兩個部分。呢兩個部分係我嘅大愛，不過其實問心，我覺得可以拍得再好啲。

我總係覺得呢一part好怪，分開無問題，連埋一齊就好唔順咁。首先，其實我不太接受直樹無端端同女二去看電影，原著直樹因為誤會琴子同學長所以吃醋專登同女二約會激琴子，依家真係好夾硬。不過好喜歡白同學喺戲院扶起荷妮之後就兩隻手無離開過荷妮，好SWEET。

約會嘅部份拍得我好鐘意喎！原著直樹都係同琴子講咗那個情侶遊湖會分手嘅傳說，不過勝祖比起直樹真的溫柔好多！還安慰荷妮：我們又不是戀人。但係勝祖忘記咗 --- 無意外發生嘅就唔係荷妮啦！（題外話：濕咗水嘅勝祖個樣細個咗好多好可愛！）

漫畫同台版一樣，都係琴子（湘琴）之前買咗件衫俾直樹，不過直樹就留俾琴子（湘琴）著。動漫就好似韓版一樣，係勝祖買咗件衫俾荷妮著，不過韓版仲轉埋COUPLE TEE，我好鐘意呢個版本，賢重做得好好，再加埋佢遞漢堡包同飲品俾荷妮時，佢嘅表情真係做得恰到好處呀！勝祖越來越寵溺荷妮喇！白同學是否開始體會到令自己喜歡嘅人快樂，自己得到更大的快樂？

今次我天使同首發兩個版本都睇咗，總係覺得譯得有啲問題，所以我搵咗原著呢段說話，希望大家對勝祖呢番剖白有更深一層嘅了解。

直樹:「我在不久之前，還從來沒有說過類似「糟了」的話，或為了某種物慾或不妙的事而感到焦慮不安，似乎想的起來，但卻又想不起來。好像這一切都是從高三那年收到你的情書之後才發生的，使我幾乎每天都在「糟了」與「焦慮」中渡過。

想起來，說不定這正是你所給我的試煉也說不定。因為對我來說，這是首次的試煉，我有點慌，拼了命也想閃開。但是，比起那種沒有挫折的人生，像這種試煉的人生，不是更有趣嗎？我不是不願意和你同住在一個房子內，只是難以應付，不是討厭。」

荷妮再度告白嘅時候，勝祖表情係我嘅大愛呀！勝祖終於講咗自己嘅諗法，除咗誠實面對自己外，亦算係對荷妮呢四年對佢嘅癡心嘅小小回報吧！真情剖白後，兩小無猜喺到為著C同C+討價還價，拍得真係好溫馨！

約會結束前勝祖停下回望等待荷妮這一幕，不知是導演定編劇嘅創作? 不過好有意思，縱使兩人起步不一樣，步伐不一致，不過只要兩人願意互相遷就，兩人仍然可以並肩一起走完人生的路。

荷妮和學長緋聞這一段得確很好笑，不過我覺得放在約會前會好啲。雖然白同學唔會誤會佢兩個有野，不過對佔有欲極大嘅白蠍子嚟講絕對已經超越了底線了啊！他可是真的很生氣啊！在網球場氣到要咬唇離去，在走廊那一撞，荷妮！你死定了。

嚟到恩祖入院呢場戲，本來係我好鐘意嘅部分，不過我真係有啲失望，因為鄭素敏真係做得唔係咁好，雖然佢最後喊得唔錯。我覺得勝祖未出場前尚OK，反而勝祖到咗醫院後，平時依賴開勝祖嘅荷妮喺呢個時候，情緒上點都應該會有啲缺堤嘅感覺，壓抑住嘅六神無主，驚惶無措應該呢個時候會發洩出嚟, 不過佢真係做唔出呢種感覺。雖然我都唔係好喜歡林依晨，不過台版佢呢場戲真係拍得好好。

編劇仲安排恩祖做完手術未醒，荷妮竟然喺呢個時候解釋自己單緋聞，真係好怪，唉！浪費咗賢重個一臉情深嘅樣子。不過其實平時鄭素敏啲戲OK嘅，希望只係一時失手啦！相反賢重真係做得唔錯，好似喺醫院見到荷妮時那個笑容，大愛啊！媽媽的說話也不否認了，見到真的高興嘛！糾正荷妮「盧力 盧力」時，說受不了荷妮時，那種氣氛也好可愛啊！吳荷妮，你還是聽聽話話做我白勝祖專屬的麻煩精好了！

STARBUCKS門外兩小無猜的對話造就了勝祖人生的轉捩點 ; 二人並肩而行的背影好美，勝祖就像男朋友聽著女朋友在耳邊碎碎念一樣，荷妮的一字一語他都聽進心裡，荷妮扯扯勝祖衫袖著他看著自己時，他真的聽話的看著荷妮的小撒嬌，然後帶著寵溺的語氣說：受不了你！(題外話: 我覺得素敏這段可以做得再好一些，由哭腔轉為喜悅的變化，演譯得未到位。)

勝祖和荷妮將醫院變成拍拖勝地一樣，好有愛，好有夫妻FEEL，連冷酷的勝祖都可以推著輪椅在醫院裡玩，荷妮的影響力真的好驚人啊！

荷妮終於搬回白家，勝祖又一次用要食飯來掩飾自己真實的情緒，呢招就嚟用到爛喇！屋外晒月光呢段甜到暈，勝祖坐在屋前嘅樓梯，感受著這個再次彌漫著荷妮味道的家，有一種安心，舒心的感覺。原來不只是勝祖對荷妮有著強烈的存在感，相反荷妮對勝祖亦是一樣！諾亞小蝸牛已經爬進了勝祖的心了，習慣這個東西真的好不可思議! 習慣算不算是愛情的一種惡作劇呢?

白邪童拿著荷妮小內褲那段，拍得很可愛！看樣子白邪童專在門外等了好一會吧！是不是早就想好了怎樣逗荷妮，順便報復荷妮和學長的緋聞吧！早就知道白蠍子很記仇的了，哪有這麼輕易放過不知檢點的小蝸牛呢？不過也只有荷妮才能令勝祖展開這樣的笑容吧！

勝祖為著思考自己人生的路向，不欲受控於父母安排而冷落了荷妮，不過當他和女二談心時，卻仍然懂得在適當的時候發放出「我心有了小蝸牛，只能當你是朋友」的明確訊息給女二。其實天蠍男係好專情嘅，所以女二你快啲死心啦！
勝祖老實告訴荷妮要搬出去，我明白他內心仍為不忿要受爸媽支配的氣，所以只好拿屬於自己嘅荷妮來出氣。不過，氣出完，荷妮被你弄至腦內一團糟，你再解釋這和荷妮沒有關係也沒有用啦！天秤女（我就是了）是很沒有安全感的，為求得融洽的關係不惜委曲求全，你一再擾亂她平衡的世界，你叫她怎能不胡思亂想?

第十集其實挺粉紅的。
送別這場戲，賢重做到了！做到那種很不捨得荷妮，但係為咗去真正體驗人生又決心搬走的矛盾複雜情緒。荷妮的傷心，他怎會不知道? 他怎會不心痛? 我總覺得他自己也怕自己會心軟，不敢正面對荷妮告別。那聲：「我走了，恩祖。」，我怎麼聽都覺得係對荷妮說的。

勝祖早就預咗荷妮會搵到嚟的啦，你叫得學長介紹兼職俾你，又點會唔知佢會話俾小蝸牛聽喎！等咗15分鐘，你隻小蝸牛都未發現你，係咪連你都忍唔住要開聲？你話依家係工作時間，唔答荷妮住邊，咁係咪預咗第日放咗工會話俾荷妮知？聽到荷妮要走，你就即刻走過嚟，乜你淨係服侍呢張檯？定係你根本就無專心工作，只係留意你個荷妮同學長有無又唔檢點呀？最後荷妮點都要問准你嘅同意明天再來，你話唔歡迎無話唔准喎！而且你那無可奈何嘆氣的樣子，怎看也有點寵溺的感覺啊！

喬裝有多好笑，不提了！反而想講番媽媽離開前與白同學的對話，媽媽提勝祖小心不要被女二追到手時，白同學竟然聽話的說：知道了。呵呵呵～以前勝祖哪有這麼聽媽媽話？其實係咪想俾旁邊嘅荷妮聽到先? 那不是表明了心跡，我心屬荷妮？

看到荷妮學習，忍唔住兜個圈讚吓荷妮，不過俾女二叉埋嚟，唯有望多眼荷妮先走啦~ 同居嘅誤會令荷妮大受刺激，天秤座的女性十分缺乏安全感，而且很注意自己，經常低估自己的能力和吸引力。她經常忘記對自己好一點，經常讓不安全感掩沒了自己。她喜歡胡思亂想，往往發明一些自己能力不足的想法。

小蝸牛開始逃開了，縱使心離開不了，人也堅持要逃避下去。勝祖身邊的空氣缺少了荷妮的氣味，勝祖上堂開始神不守舍，上班也左顧右盼。那個說只愛我一個，那個說會為我努力的小蝸牛去了哪裡？所以想要收服天蠍男，建議忽然間冷淡，然後一副那種對他死心的樣子就夠了，因為這樣，他才會感到緊張，才會想要知道你發生什麼事了，所以對付天蠍座就是要讓他心急如焚。

荷妮朋友的出現將一切疑團解開了！原來誤會了自己和女二同居，雖然覺得莫名其妙，不過很對勝祖心中那杯茶啊！勝祖滿足的笑了! 對啊！這隻小蝸牛已經喜歡自己四年了！蠍子男要的是專情回應的女人，對他的忠實荷妮妳將會得到妳該有的回報。

首要是怎樣向荷妮解釋好呢？蠍子男善於猜測別人的弱點，善於抓住女人的弱點和觸動你們的情思。在愛情方面，蠍子男永遠處於主宰地位，在蠍子男看來，只要目的是好的，就可以無所顧忌。所以解開誤會前還是要逗逗荷妮! 是氣荷妮對你太沒有信心嗎？

在校園的長椅上找到了荷妮，看到了荷妮憔悴的樣子，眼裡閃過一下子心痛的痕跡。怎麼？我剛坐下你就要走？也太沒有良心了，我可是特意安排了學生和女二來見你的啊！好，就再耍耍你玩好了！「我大部分時間都是會和赫拉在一起! 」 (白同學可是目不轉睛的看著荷妮的反應呢) 學生一邊解釋，勝祖的眼睛就未離開過荷妮，知道荷妮明白了，再由自己口中一再澄清先放心離去。

看到荷妮全身濕透，混身發抖的出現在餐廳時，白同學一臉的震驚和心痛。聽到荷妮說：「勝祖，我來了。」，那刻，勝祖的心應該感動得一地碎片吧！勝祖去了替荷妮張羅毛巾，看到荷妮的臉色很差，勝祖臉上寫著太多的擔心和心痛。知道荷妮不肯馬上回家，只好硬起心腸，不理她。可是荷妮暈倒那刻，勝祖馬上跑過來，「荷妮，荷妮，荷妮」(不叫連姓叫了~) 的叫喚著。看到荷妮醒來，勝祖才能舒一口氣，怎麼這個女人總不能令人放心？

雨中打傘這場很有愛！不知不覺，勝祖已經很在乎荷妮了，雨傘都傾向荷妮那邊，荷妮發現了又拉了勝祖埋嚟，那刻勝祖又氣了，你自己都未照顧好自己，仲係度理人？不過內心肯定係好甜嘅。勝祖尷尷尬尬咁問荷妮去唔去自己屋企個樣真係超可愛，勝祖對眼碌來碌去，斷斷續續咁解釋想叫媽媽去屋企接荷妮，乜原來你都會怕羞嘅咩？跟住起行時，我好鐘意勝祖拉荷妮埋自己身前，然後用咗自己嘅身體擋雨，好man呀~

兩人回到勝祖屋企，荷妮試探的問女二有否嚟過？白同學想了一下，還是不逗你了！今天你也受夠，索性給你一個肯定吧！「你是第一個」，你呀，係我白勝祖第一個帶回來的女人啊！仲送上關心一個同毛巾一條~

媽媽不肯來接荷妮，勝祖當然知道媽媽的用意，所以又不爽了！白同學未諗到點做唯有去咗冲涼先。白同學沖完涼那件衫，想點呀？平時明明著TEE瞓，今日就爆晒衫，見到你咁，唔緊張都變緊張啦！看到荷妮緊張，白同學好開心啊，你又想逗荷妮玩了？

荷妮冲完涼勝祖望都唔望荷妮只顧睇書乜你有真係睇得進腦咩? 因為心中還有氣，所以唔想對荷妮好。你竟然話我係冷血動物？其實白勝祖不知幾血氣方剛，正好努力控制自己先決定早啲瞓！最後白同學都係乖乖讓咗張床俾荷妮～

上咗床嘅荷妮喺度依依哦哦，一點也不顧勝祖正逼緊自己唔好亂諗野快啲瞓。不過，話時話，荷妮喺床依依哦哦嘅時候，勝祖應得雖然有啲唔耐煩，不過語氣上真係好有男朋友頂女朋友唔住，但係又無可奈何嘅感覺呀。白同學最後決定跳上床同荷妮一齊瞓喇！上到床，兩個人勁尷尬，荷妮嘅咽口水聲提醒咗白同學其實荷妮的緊張，對白同學嚟講會唔會係另一種無心嘅挑逗? 不過話時話張床咁大，有無需要兩個人一個枕頭呀？嘻嘻～

事實上勝祖真的有過一刻的衝動，不過彈起身之後，望住荷妮，最後天使都係戰勝了惡魔。要知道天蠍男絕對唔推崇柏拉圖式嘅戀愛，相反性慾都幾強吓添，一個自己喜歡嘅女孩子瞓喺自己旁邊，點會唔心猿意馬喎 ? 雖然是喜歡，不過不想讓媽媽得逞，不想以後受制於父母，只好背轉身強逼自己瞓。呢部分賢重做得好好呀！表現到嗰種掙扎矛盾嘅複雜感情，亦可以睇得出佢好尊重荷妮，佢亦好尊重荷妮對佢嘅愛。佢一臉鬱悶的一邊強忍住衝動，努力把持自己，一邊開解自責的荷妮。白同學，辛苦了。

男3下集就會出場，原著其實直樹根本不會吃男3醋，不過這是醋罈子白同學喎，我好期待呀！